1 րոպեի ընթերցում
Ռուսաստանից Հայաստան հունիսի 23-ին պարարտանյութի հերթական խմբաքանակն է անցել Ադրբեջանի տարանցիկ ճանապարհով։
«Արմենպրես»-ի փոխանցմամբ՝ այս մասին տեղեկացրել է ԱՊԱ գործակալությունը՝ նշելով, որ ուղարկվել է վեց երկաթուղային վագոն՝ 408 տոննա քաշով պարարտանյութով։
Մինչ օրս Ռուսաստանից Հայաստան Ադրբեջանի միջոցով տարանցիկ ճանապարհով տեղափոխվել է ավելի քան 33,000 տոննա հացահատիկ, ավելի քան 7,000 տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ։
Տարանցիկ ճանապարհից բացի Ադրբեջանը նաև նավթամթերք է արտահանում Հայաստան։ Մինչ օրս Ադրբեջանը Հայաստան է արտահանել ավելի քան 14,000 տոննա դիզելային վառելիք և ավելի քան 4,000 տոննա AI-92 և AI-95 բենզին։