რუსეთიდან სომხეთში აზერბაიჯანის ტერიტორიის გავლით 408 ტონა სასუქი გადაიგზავნა

რუსეთიდან სომხეთში 23 ივნისს სასუქის მორიგმა პარტიამ აზერბაიჯანის სატრანზიტო გზით გაიარა.

„არმენპრესის“ ცნობით, ამის შესახებ სააგენტო APA იტყობინება და აღნიშნავს, რომ გადაიგზავნა ექვსი სარკინიგზო ვაგონი 408 ტონა საერთო წონის სასუქით.

დღემდე რუსეთიდან სომხეთში აზერბაიჯანის სატრანზიტო გზით გადაზიდულია 33 000 ტონაზე მეტი მარცვლეული, 7 000 ტონაზე მეტი სასუქი, 133 ტონა ალუმინი, 68 ტონა წიწიბურა და 414 ტონა ანთრაციტი.

სატრანზიტო გზის გარდა, აზერბაიჯანი სომხეთში ნავთობპროდუქტების ექსპორტსაც ახორციელებს. დღემდე აზერბაიჯანმა სომხეთში მოახდინა 14 000 ტონაზე მეტი დიზელის საწვავისა და 4 000 ტონაზე მეტი AI-92 და AI-95 მარკის ბენზინის ექსპორტი.