თურქეთიდან სომხეთის სუვერენიტეტისთვის საფრთხეს ვერ ვხედავ: სომხეთის რესპუბლიკის უშიშროების საბჭოს მდივანი

სომხეთის რესპუბლიკის უშიშროების საბჭოს მდივანი ალენ სიმონიანი თურქეთის მხრიდან სომხეთის რესპუბლიკის სუვერენიტეტისთვის საფრთხეს ვერ ხედავს. „არმენპრესის“ ცნობით, ამის შესახებ სიმონიანმა ჟურნალისტებთან საუბარში აღნიშნა, როდესაც შეეხო სომხეთიდან რუსეთის 102-ე სამხედრო ბაზის გაყვანის შესახებ დისკუსიებსა და ამ კონტექსტში შესაძლო რისკებს.

„მე ვერ ვხედავ თურქეთიდან საფრთხეს სომხეთის რესპუბლიკის სუვერენიტეტისთვის. 2025 წლის 8 აგვისტოდან მოყოლებული, საერთოდ ვერანაირ საფრთხეს ვერ ვხედავ“, - განაცხადა სიმონიანმა.

უშიშროების საბჭოს მდივანმა კიდევ ერთხელ დაადასტურა, რომ სომხეთს არასდროს დაუყენებია სომხეთიდან რუსული სამხედრო ბაზის გაყვანის საკითხი და ეს რუსულმა მხარემ გააკეთა.

„ჩვენ მსგავს საკითხს არ განვიხილავთ და არც განგვიხილავს. ეს მათ დღის წესრიგში შემოტანილი საკითხია, რომლის ნებისმიერი შედეგი ჩვენთვის მისაღებია“, - აღნიშნა ალენ სიმონიანმა.