ԱՄՆ-ի հետ բանակցությունների հաջողությունը կախված է համաձայնեցված պարտավորությունների լիարժեք կատարումից. Փեզեշքիան

Իրանի նախագահ Մասուդ Փեզեշքիանը հայտարարել է, որ ԱՄՆ-ի հետ ընթացող բանակցությունների հաջողությունը կախված է համաձայնեցված պարտավորությունների լիարժեք կատարումից։ 

«Արմենպրես»-ի փոխանցմամբ՝ Իրանի նախագահն այդ մասին գրառում է արել  X-ի իր միկրոբլոգում։

The effectiveness of the talks depends on full commitment to the agreed obligations and their precise implementation.Progress on this path will be measured by practical adherence to accepted responsibilities.Statements outside the agreed text do not help advance the negotiations.

— Masoud Pezeshkian (@drpezeshkian) June 23, 2026

«Բանակցությունների արդյունավետությունը կախված է համաձայնեցված պարտավորություններին լիակատար հավատարմությունից և դրանց ճշգրիտ իրականացումից։ Այս ճանապարհին առաջընթացը կչափվի ստանձնած պարտականությունների գործնական հետևողականությամբ։ Համաձայնեցված տեքստից դուրս հայտարարությունները չեն նպաստում բանակցությունների առաջխաղացմանը», - ասել է Փեզեշքիանը։

Իրանն ու ԱՄՆ-ը հունիսի 14-ին հայտարարել էին, որ Պակիստանի միջնորդությամբ ձեռք են բերել 14 կետից բաղկացած փոխըմբռնում, որի նպատակն է դադարեցնել պատերազմը և լուծել վեճերը երկխոսության և բանակցությունների միջոցով:

Հուշագիրը, որը հայտնի է որպես Իսլամաբադի փոխըմբռնում, ուժի մեջ է մտել հունիսի 18-ին՝ Իրանի նախագահ Մասուդ Փեզեշքիանի և ԱՄՆ նախագահ Դոնալդ Թրամփի կողմից էլեկտրոնային ստորագրումից հետո։