Պակիստանի վարչապետը հայտնել է Իրան-ԱՄՆ խաղաղության համաձայնագրի ստորագրման օրն ու վայրը

Պակիստանի վարչապետ Շեհբազ Շարիֆը, որի երկիրը որպես միջնորդ էր հանդես գալիս Միացյալ Նահանգների և Իրանի միջև խաղաղության բանակցություններում, հայտարարել է, որ կողմերը հունիսի 19-ին համաձայնագիր կստորագրեն Շվեյցարիայում։

«Ինտենսիվ բանակցություններից հետո ուրախ ենք հայտարարել, որ Ամերիկայի Միացյալ Նահանգների և Իրանի Իսլամական Հանրապետության միջև խաղաղության համաձայնություն է հաստատվել։ Երկու կողմերն էլ հայտարարել են բոլոր ճակատներում, այդ թվում՝ Լիբանանում, ռազմական գործողությունների անհապաղ և մշտական դադարեցման մասին։

Պաշտոնական ստորագրման արարողությունը կկայանա հունիսի 19-ին՝ ուրբաթ օրը, Շվեյցարիայում»,- «Արմենպրես»-ի փոխանցմամբ, գրել է Շարիֆը X-ի իր էջում։

Following intensive talks, we are pleased to announce that the Peace Deal between the United States of America and Islamic Republic of Iran has been REACHED. Both sides have declared the immediate and permanent termination of military operations on all fronts, including in…

— Shehbaz Sharif (@CMShehbaz) June 14, 2026

Նա շնորհակալություն է հայտնել ԱՄՆ-ին և Իրանին հակամարտության դիվանագիտական լուծում գտնելու հանձնառության համար։ Միջնորդական ջանքերում ունեցած ներդրումի համար նա նաև շնորհակալություն է հայտնել Կատարին, Սաուդյան Արաբիային և Թուրքիային։

«Քանի որ համաձայնությունն արդեն ձեռք է բերվել, միջնորդներն այս շաբաթ կկազմակերպեն մի շարք հանդիպումներ։ Իրականացման նախապատրաստական այս քննարկումները հիմք կդառնան տեխնիկական բանակցությունների և պաշտոնական ստորագրման արարողության համար»,- հայտնել է նա։

Ավելի վաղ համաձայնության հաստատման մասին հայտարարել էր Միացյալ Նահանգների նախագահ Դոնալդ Թրամփը։