Պակիստանի վարչապետը հավանական է համարում առաջիկա 24 ժամում Իրանի և ԱՄՆ-ի միջև խաղաղության գործարքի ստորագրումը
2 րոպեի ընթերցում
Պակիստանի վարչապետ Շեհբազ Շարիֆը հայտարարել է, որ Միացյալ Նահանգների ու Իրանի միջև խաղաղության գործարքի ստորագրումը կարող է տեղի ունենալ առաջիկա 24 ժամվա ընթացքում։
«Արմենպրես»-ի հաղորդմամբ՝ Պակիստանի վարչապետն այս մասին գրել է X-ի իր միկրոբլոգում՝ հավելելով, որ կողմերը հիմա ավելի մոտ են հուշագրի ստորագրմանը, քան երբևէ։
We are closer to a peace deal than ever before. With finalisation likely expected in the next 24 hours, Pakistan is preparing for the electronic signing of the peace deal immediately after, followed by technical level talks next week.
— Shehbaz Sharif (@CMShehbaz) June 13, 2026
We would like to thank United States of…
«Մենք ավելի մոտ ենք խաղաղության գործարքին, քան երբևէ։ Հավանաբար, ավարտը սպասվում է հաջորդ 24 ժամվա ընթացքում, և Պակիստանը պատրաստվում է անմիջապես դրանից հետո խաղաղության գործարքի էլեկտրոնային ստորագրմանը, որին հաջորդ շաբաթ կհաջորդեն տեխնիկական մակարդակի բանակցությունները»,-գրել է Շարիֆը։
Նա շնորհակալություն է հայտնել Ամերիկայի Միացյալ Նահանգներին և Իրանի Իսլամական Հանրապետությանը բանակցությունների ընթացքում ցուցաբերած շարունակական նվիրվածության համար։
«Մենք վստահ ենք, որ այս պատմական խաղաղության գործարքն ամուր հիմք կստեղծի երկարատև խաղաղության համար»,-եզրափակել է Պակիստանի վարչապետը։
Իրանի ԱԳ նախարար Աբբաս Արաղչին հունիսի 13-ին հայտնել էր, որ Իրանն ու ԱՄՆ-ն երբեք այնքան մոտ չեն եղել համաձայնությանը, որքան այժմ։