Հայաստանի ԱԳՆ-ն շնորհավորել է Ռուսաստանին Ազգային տոնի առթիվ

Հայաստանի Հանրապետության արտաքին գործերի նախարարությունը շնորհավորական ուղերձ է հղել Ռուսաստանի օրվա կապակցությամբ։

«Արմենպրես»-ի հաղորդմամբ՝ համապատասխան շնորհավորական ուղերձը ԱԳ նախարարությունը տարածել է X-ի իր միկրոբլոգում։

«Շնորհավորում ենք Ռուսաստանի արտաքին գործերի նախարարության մեր գործընկերներին և Ռուսաստանի քաղաքացիներին ազգային տոնի՝ Ռուսաստանի օրվա կապակցությամբ։ Մաղթում ենք ձեզ խաղաղություն, բարգավաճում և ամենայն բարիք»,-ասված է ուղերձում։

Поздравляем коллег из Министерства иностранных дел Российской Федерации и граждан России с государственным праздником - Днем #России. Желаем мира, благополучия и всяческих благ. pic.twitter.com/hpUAS2MuY9

— MFA of Armenia🇦🇲 (@MFAofArmenia) June 12, 2026

Հունիսի 12-ին ՌԴ նախագահ Վլադիմիր Պուտինին Ռուսաստանի օրվա առթիվ շնորհավորել էր Հայաստանի վարչապետ Նիկոլ Փաշինյանը։