Թրամփը հայտարարել է, որ Իրանը համաձայնագրի համար շատ ժամանակ է ծախսել և ստիպված կլինի վճարել

ԱՄՆ նախագահ Դոնալդ Թրամփը հայտարարել է, որ Իրանի զինված ուժերը «լիովին խառնաշփոթ» վիճակում է, և որ դրա մեծ մասը, օրինակ՝ ռազմածովային և ռազմաօդային ուժերը, այլևս «գոյություն չունեն»։ «Արմենպրես»-ի փոխանցմամբ՝ այս մասին նա գրել է Truth Social հարթակում։

«Նրանք լիովին պարտվել են։ Իրանը խոսում է, բայց չի գործում։ Մերձավոր Արևելքի բռնակալը մահացել է», - հավելել է ԱՄՆ նախագահը։

Դոնալդ Թրամփը նաև նշել է, որ Իրանը երկար ժամանակ է ծախսել համաձայնագրի վրա։

«Նրանցից չափազանց երկար ժամանակ է պահանջվել համաձայնագրի շուրջ բանակցելու համար, որը նրանց համար հրաշալի կլիներ. այժմ նրանք ստիպված կլինեն վճարել դրա գինը», - եզրափակել է Թրամփը։

Ավելի վաղ Սպիտակ տան ղեկավարը հայտարարել էր, որ Իրանի դեմ վերջին հարձակումներն ամերիկյան Apache ուղղաթիռի խոցման պատասխանն են և այդ երկրի դեմ նոր խոշոր գործողության սկիզբ չեն։ Նա նաև նշել էր, որ չնայած Իրանին հարվածներին, համաձայնագրի կնքումը հնարավոր է։

Գիշերը ԱՄՆ կենտրոնական հրամանատարությունը հայտարարել էր Իրանին հարվածներ հասցնելու մասին՝ Հորմուզի նեղուցում ամերիկյան Apache ուղղաթիռի խոցմանն ի պատասխան։ Իրանն էլ պատասխան հարվածներ է իրականացրել տարածաշրջանում ամերիկյան ռազմաբազաների ուղղությամբ։