1 րոպեի ընթերցում
Երևանի «Փյունիկ» ֆուտբոլային ակումբի տարբերանշանի վրա այսուհետ կրկին կփայլի 10 և ավելի չեմպիոնություն խորհրդանշող աստղը:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:
«Փյունիկ» ՖԱ-ն պրոֆեսիոնալ ֆուտբոլային ակումբ է, որը հիմնադրվել է 1992 թվականին, երբ ԽՍՀՄ փլուզումից մեկ տարի անց նորանկախ Հայաստանում ստեղծվեց Հայաստանի ֆուտբոլի ֆեդերացիան (ՀՖՖ) և Հայաստանի Բարձրագույն խմբի առաջնությունը։ Ակումբի հիմնադիրներից է հայկական ֆուտբոլի լեգենդ Խորեն Հովհաննիսյանը։ Հիմնադրման պահից մինչև 1995 թվականը թիմը կրել «Հոմենեթմեն» անվանումը, իսկ հետո վերանվանվել՝ «Փյունիկ»:
«Փյունիկ-ը» Հայաստանի ամենատիտղոսակիր ակումբն է. 16 անգամ դարձել է Հայաստանի չեմպիոն, 8 անգամ՝ երկրի գավաթակիր և 10 անգամ՝ սուպերգավաթակիր։