Հակամարտության կարգավորման հիմնական հարցերը պետք է որոշեն Մոսկվան և Կիևը․ Պուտին

Ռուսաստանի նախագահ Վլադիմիր Պուտինը հայտարարել է, որ ռուս-ուկրաինական հակամարտության կարգավորման հիմնական հարցերը պետք է որոշեն Ռուսաստանը և Ուկրաինան, իսկ ԱՄՆ-ն և այլ երկրներ կարող են հանդես գալ որպես երաշխավորներ։

«Արմենպրես»-ի հաղորդմամբ՝ այս մասին ՌԴ նախագահը հայտարարել է Սանկտ Պետերբուրգի միջազգային տնտեսական ֆորումի ընթացքում։

«Ռուսաստանի և Ուկրաինայի միջև պետք է լուծվեն հիմնական հարցերը, և մեր գործընկերները Միացյալ Նահանգներում և աշխարհի այլ տարածաշրջաններում կարող են միայն ստեղծել պայմաններ և հանդես գալ որպես երաշխավորներ», - ասել է Պուտինը։

Այդուհանդերձ, նա նշել է, որ Ուկրաինայի նախագահ Վոլոդիմիր Զելենսկու հետ հանդիպման իմաստ առայժմ չի տեսնում։

«Ես երբեք չեմ հրաժարվել Զելենսկու հետ հանդիպումից, բայց հանդիպումը, ինչպես ասում են, նման է դատարկ տեղից դատարկություն նետելուն, գիտեմ, ես այնտեղ եղել եմ», - ասել է Պուտինը։

ՌԴ նախագահը նաև հայտարարել է, որ եթե ԱՄՆ նախագահի պաշտոնում նախկին նախագահ Ջո Բայդենի փոխարեն լիներ ներկա նախագահ Դոնալդ Թրամփը, ապա «հատուկ ռազմական գործողությունը» չէր լինի։

«Ես Թրամփին համարում եմ գործընկեր և հարգում եմ։ Ինչքանով ես տեսնում եմ, մինչ այժմ ամերիկյան ներկայիս վարչակազմի վերաբերմունքը Ռուսաստանի նկատմամբ մոտավորապես նույնն է, և մենք ունենք անձնական հարաբերություններ, որոնք կառուցված են փոխադարձ հարգանքի վրա», - ասել է ՌԴ նախագահը։