ԵՄ համերաշխ է Հայաստանի հետ՝ Ռուսաստանի տնտեսական ճնշումների պայմաններում. Մարթա Կոս

Եվրամիությունը համերաշխ է Հայաստանի հետ՝ Ռուսաստանի կողմից գործադրվող տնտեսական ճնշումների պայմաններում։ «Արմենպրես»-ի հաղորդմամբ՝ այս մասին հայտարարել է Եվրամիության ընդլայնման հարցերով հանձնակատար Մարթա Կոսը։

«Ակնկալում եմ սկսել ԵՄ-Հայաստան աշխատանքային խմբի գործունեությունը, ինչպես այսօր պայմանավորվել են Եվրոպական հանձնաժողովի նախագահ Ուրսուլա ֆոն դեր Լայենը և Հայաստանի վարչապետ Նիկոլ Փաշինյանը»,- X-ի իր էջում գրել է Կոսը։

Նա ընդգծել է, որ Եվրոպան աջակցում է Հայաստանին։

«Եվրոպան համերաշխ է Հայաստանի հետ՝ Ռուսաստանի կողմից իրականացվող տնտեսական ճնշումների պայմաններում»,- նշել է ԵՄ հանձնակատարը։

Կոսի խոսքով՝ Եվրամիության ֆինանսական աջակցությունը, առևտրային միջոցառումներն ու համերաշխությունը կօգնեն մեղմել այդ ճնշումները։

«ԵՄ ֆինանսական աջակցությունը, առևտրային միջոցառումներն ու համերաշխությունը կօգնեն թեթևացնել ճնշումը։ Ակնկալում եմ շատ շուտով կրկին այցելել Հայաստան»,- գրել է նա։

I look forward to starting the work of the EU-Armenia Task Force as agreed between President von der Leyen and Armenian Prime Minister Nikol Pashinyan today.

Europe stands in solidarity with Armenia in the face of the economic coercion by Russia.

The EU financial support,… https://t.co/djac5Cw8fH

— Marta Kos (@MartaKosEU) June 4, 2026

Ավելի վաղ, Եվրոպական հանձնաժողովի նախագահ Ուրսուլա ֆոն դեր Լայենը և ՀՀ վարչապետ Նիկոլ Փաշինյանը քննարկել էին Հայաստան-Եվրամիություն համագործակցության խորացման հարցերը և պայմանավորվել ԵՄ-Հայաստան աշխատանքային խմբի ստեղծման շուրջ։