1 րոպեի ընթերցում
ԱՄՆ զինված ուժերը հայտարարել են, որ շաբաթավերջին «ինքնապաշտպանական հարվածներ» են հասցրել Իրանի Գորուկ շրջանում և Քեշմ կղզում գտնվող իրանական ռադարների և անօդաչու թռչող սարքերի կառավարման կետերին։ Ինչպես հաղորդում է «Արմենպրես»-ը, ԱՄՆ կենտրոնական հրամանատարությունը (CENTCOM) X-ում գրառման մեջ հայտարարել է, որ դա Թեհրանի «ագրեսիվ» գործողություններին պատասխան էր։
Մասնավորապես, ամերիկյան կողմը հայտնել է, որ Իրանը խոցել է միջազգային ջրերի վրայով թռչող ամերիկյան MQ-1 անօդաչու թռչող սարք։
CENTCOM-ը հայտարարել է, որ ԱՄՆ կործանիչները պատասխանել են՝ ոչնչացնելով իրանական օդային պաշտպանությունը, ցամաքային կառավարման կայանը և երկու գրոհային անօդաչու թռչող սարք։
Հրամանատարությունից հավելել են, որ ԱՄՆ զինծառայողներից ոչ մեկը չի տուժել։
Ամերիկյան կողմը նշել է, որ հրամանատարությունը «կշարունակի պաշտպանել ամերիկյան շահերը շարունակվող հրադադարի» ընթացքում։