Իրանն ու ԱՄՆ-ն համաձայնության են եկել հրադադարի երկարաձգման շուրջ. Reuters

Միացյալ Նահանգները և Իրանը մայիսի 28-ին համաձայնության են եկել երկարաձգել հրադադարը և վերացնել Հորմուզի նեղուցով նավագնացության սահմանափակումները: «Արմենպրես»-ի փոխանցմամբ, այս մասին Reuters-ին հայտնել են աղբյուրները` թեպետ ԱՄՆ իշխանությունները դեռ չեն հաստատել տեղեկությունը, իսկ իրանական պետական ​​լրատվամիջոցները հայտնել են, որ համաձայնությունը դեռևս վերջնականապես հաստատված չէ։

Թեմային ծանոթ չորս աղբյուրները Reuters-ին ասել են, որ համաձայնագիրը կերկարաձգի հրադադարը ևս 60 օրով և թույլ կտա նավագնացությունն իրականացնել ռազմավարական ջրային ուղով, մինչ բանակցողները կլուծեն բարդ հարցեր, ինչպիսին է Իրանի միջուկային ծրագիրը։

Վաշինգտոնի և Թեհրանի ղեկավարության կողմից հաստատման պարագայում սա կլինի խաղաղության ուղղությամբ արված ամենամեծ քայլը փետրվարի 28-ին ռազմական գործողությունների մեկնարկից ի վեր։

Աղբյուրները հայտնել են, որ Թրամփը դեռևս հավանություն չի տվել համաձայնությանը։

Իրանական Tasnim լրատվական գործակալությունը, հղում անելով բանակցային թիմին մոտ կանգնած աղբյուրին, հայտնել է, որ համաձայնագրի տեքստը դեռևս վերջնականապես չի հաստատվել։