Պուտինը Բահրեյնի թագավորի հետ քննարկել է Իրանի շուրջ ստեղծված ճգնաժամի կարգավորումը

Ռուսաստանի նախագահ Վլադիմիր Պուտինը և Բահրեյնի Համադ բեն Իսա ալ Խալիֆա թագավորը հեռախոսազրույցի ժամանակ քննարկել են հակամարտության կարգավորումը Մերձավոր Արևելքում։ «Արմենպրես»-ի փոխանցմամբ՝ այս մասին հաղորդում է Կրեմլի մամուլի ծառայությունը:

«Ընդգծվել է Իրանի շուրջ ստեղծված ճգնաժամային իրադրության քաղաքական-դիվանագիտական ​​շուտափույթ կարգավորման հասնելու անհրաժեշտությունը՝ լիովին հաշվի առնելով տարածաշրջանի բոլոր պետությունների շահերը», - նշված է հաղորդագրության մեջ։

Բացի այդ, ղեկավարները հաստատել են իրենց տրամադրվածությունը առևտրատնտեսական, ֆինանսական-ներդրումային և մշակութային-հումանիտար բնագավառներում համագործակցության ամրապնդման հարցում։