1 րոպեի ընթերցում
Առողջապահության համաշխարհային կազմակերպությունը (ԱՀԿ) հայտարարել է, որ մեծ է էբոլա տենդի տարածաշրջանային մակարդակով տարածման ռիսկը։ Ներկա դրությամբ, վիրուսի հետևանքով մահերի թիվը հասել է 139-ի։ Տարածաշրջանում հայտնաբերվել է հիվանդացության շուրջ 600 ենթադրյալ դեպք։ Ինչպես հաղորդում է «Արմենպրես»-ը, այս մասին հայտնում է Reuters-ը։
ԱՀԿ գլխավոր տնօրեն Թեդրոս Ադհանոմ Գեբրեյեսուսը նշել է, որ համաշխարհային մակարդակով էբոլայի տարածման հավանականությունը ցածր է։
Գեբրեյեսուսի խոսքով՝ Կոնգոյի Դեմոկրատական Հանրապետությունում Էբոլայի հաստատված դեպքերի թիվը վերջին 24 ժամվա ընթացքում 30-ից աճել է մինչև 51։
Ուգանդայում, ինչպես երեկ հաղորդվել է, հաստատվել է միայն երկու դեպք։
Ավելի վաղ ԱՀԿ-ն Էբոլայի բռնկման կապակցությամբ արտակարգ դրություն էր հայտարարել առողջապահության ոլորտում։ Կազմակերպության տվյալներով՝ էբոլա վիրուսից մահացության միջին գործակիցը կազմում է շուրջ 50%։