Հայաստանի և Կանադայի ԱԳ նախարարները քննարկել են մի շարք ուղղություններով համագործակցության հնարավորությունները
1 րոպեի ընթերցում
Հայաստանի Հանրապետության արտաքին գործերի նախարար Արարատ Միրզոյանն ու Կանադայի արտաքին գործերի նախարար Անիտա Անանդը քննարկել են երկու երկրների՝ մի շարք ուղղություններով համագործակցության հնարավորությունները։
«Արմենպրես»-ի փոխանցմամբ՝ այս մասին հայտնում են ՀՀ ԱԳ նախարարությունից։
«Արդյունավետ քննարկում Հայաստան-Կանադա գործընկերության զարգացման ուղղությամբ. Արարատ Միրզոյանը և Անիտա Անանդը քննարկել են մի շարք ուղղություններով համագործակցության հնարավորությունները»,- նշված է ՀՀ ԱԳՆ-ի «ֆեյսբուք»-ի էջում կատարված գրառման մեջ։Գրառմանը կից հրապարակվել է նաև տեսանյութ։
Կանադայի ԱԳ նախարարը Հայաստան է ժամանել մայիսի 3-ին՝ վարչապետ Մարկ Քարնիի գլխավորած պատվիրակության կազմում։
Ժամանումից հետո Անիտա Անանդն այցելել է Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության զոհերի հիշատակին՝ ծաղիկներ խոնարհելով անմար կրակի մոտ։
Նա նաև շրջայց է կատարել Հայոց ցեղասպանության թանգարանում։