1 րոպեի ընթերցում
Իսրայելցի զինվորականները վերջին շաբաթների ընթացքում «Հեզբոլլահ»-ի ավելի քան 200 մարտիկների են ոչնչացրել Լիբանանի հարավում գտնվող Բինտ Ջուբայլ քաղաքի նկատմամբ վերահսկողություն հաստատելու մարտերում։
«Արմենպրես»-ի հաղորդմամբ՝ այս մասին հայտնում է Իսրայելի պաշտպանության բանակը։
«Գործողությունների ընթացքում զորքերը շարքից հանել են ավելի քան 900 ահաբեկչական ենթակառուցվածքային օբյեկտներ, հայտնաբերել են հարյուրավոր միավոր զենք և մերձամարտում ու օդային հարվածների միջոցով վերացրել են ավելի քան 200 ահաբեկիչների»,- նշված է բանակի տարածած հաղորդագրությունում։
Իսրայելի և Լիբանանի սահմանից 5 կիլոմետր հեռավորության վրա գտնվող այս քաղաքը 1985-2000 թվականներին գտնվում էր իսրայելցի զինվորականների վերահսկողության ներքո։ 2006 թվականին՝ Լիբանանյան երկրորդ պատերազմի («Հուլիսյան պատերազմ») ընթացքում Իսրայելի պաշտպանության բանակին չէր հաջողվել գրավել քաղաքը։