1 րոպեի ընթերցում
Ուկրաինայի նախագահ Վոլոդիմիր Զելենսկին ժամանել է Սաուդյան Արաբիա։ «Արմենպրես»-ի փոխանցմամբ՝ այս մասին Զելենսկին նշել է X-ում գրառման մեջ։
«Ես ժամանել եմ Սաուդյան Արաբիա, որտեղ հանդիպելու եմ թագաժառանգ Մուհամմադ բին Սալման աս-Սաուդի հետ։ Երեկ եվրոպացի առաջնորդների հետ հանդիպման ժամանակ մենք ապահովեցինք մեր տոկունության ֆինանսական երաշխիքները։ Այսօր մենք առաջ ենք մղում Սաուդյան Արաբիայի հետ մեր համաձայնագրերն անվտանգության, էներգետիկայի և ենթակառուցվածքների ոլորտներում», - նշել է նա գրառման մեջ։
Զելենսկին ընդգծել է հարաբերությունների փոխադարձ ամրապնդման կարևորությունը։
«Կարևոր է, որ ամրապնդումը փոխադարձ լինի։ Ես գնահատում եմ մեր երկրների միջև առկա էական համագործակցությունը», - ընդգծել է Զելենսկին։
Զելենսկին վերջին անգամ Սաուդյան Արաբիա էր այցելել մարտի 26-ին։ Այցի շրջանակում Ուկրաինայի և Սաուդյան Արաբիայի պաշտպանության նախարարությունները համաձայնագիր էին ստորագրել պաշտպանական համագործակցության վերաբերյալ։