Վրաստանն ու Ղազախստանը ռազմավարական գործընկերության մասին փաստաթուղթ կստորագրեն

2 րոպեի ընթերցում

Վրաստանի նախագահ Միխեիլ Կավելաշվիլին հայտարարել է, որ իր երկիրն ու Ղազախստանը պատրաստվում են ռազմավարական գործընկերության փաստաթուղթ ստորագրել, որը կսահմանի երկու երկրների կարողությունները հիմնական ոլորտներում։

«Արմենպրես»-ի հաղորդմամբ՝ այս մասին հայտնում է Սպուտնիկ գործակալության վրացական ծառայությունը։

Նշվում է, որ Վրաստանի նախագահը հանդիպել է իր Ղազախստանի գործընկեր Կասիմ-Ժոմարտ Տոկաևի հետ ապրիլի 22-ից 24-ը Աստանայում կայանալիք RES-2026 տարածաշրջանային բնապահպանական գագաթնաժողովի շրջանակներում։ 

«Մոտ ապագայում Ղազախստանն ու Վրաստանը կստորագրեն ռազմավարական գործընկերության փաստաթուղթ, որը կսահմանի երկու երկրների կարողությունները և փոխշահավետ գործընթացները բոլոր ոլորտներում», - ասել է Կավելաշվիլին։

Նա նաև նշել է, որ փաստաթուղթը ստորագրելու անհրաժեշտությունը ծագել է ավանդական բարեկամությունից, որը երկրներին կապում է առևտրի և տնտեսության տարբեր ոլորտներում։ 

Նրա խոսքով՝ Վրաստանի համար կարևոր է պահպանել շատ լավ հարաբերություններ Կենտրոնական Ասիայի գրեթե բոլոր երկրների հետ։ 

«Բացի էկոլոգիայից, դուք գիտեք, որ Միջին միջանցքի հարցը շատ գրավիչ է, հատկապես հաշվի առնելով, որ այն ավելի ու ավելի է ձեռք բերում իր գործառույթը։ Բոլորը գիտեն, որ այս գործընթացը անհնար է առանց Վրաստանի, և մենք բոլորս միաձայն համաձայն ենք դրա հետ։ Մեր երկիրն ունի շատ լավ հնարավորություններ»,-եզրափակել է Կավելաշվիլին։

Հայերեն Русский

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը