Ֆրանսիայի և Պակիստանի ԱԳ նախարարները դատապարտել են Լիբանանում հրադադարի խախտումները

2 րոպեի ընթերցում

Պակիստանի փոխվարչապետ և արտաքին գործերի նախարար Մուհամմադ Իսհակ Դարը և Ֆրանսիայի արտաքին գործերի նախարար Ժան-Նոել Բարոն մտահոգություն են հայտնել Լիբանանում հրադադարի լուրջ խախտումների վերաբերյալ։ «Արմենպրես»-ի փոխանցմամբ՝ այս մասին նշել է Իսհակ Դարը X-ի գրառման մեջ։

«Արտգործնախարար Բարոն շնորհավորել է Պակիստանին հրադադարի նախնական համաձայնագրի ապահովման գործում ունեցած դերի համար և աջակցություն է հայտնել Պակիստանի շարունակական ջանքերին՝ տարածաշրջանում երկարատև խաղաղության և կայունության համար դիվանագիտական ​​ուղի գտնելու ուղղությամբ», - նշված է գրառման մեջ։

Կողմերը մտահոգություն են հայտնել Լիբանանում հրադադարի լուրջ խախտումների վերաբերյալ և ընդգծել հրադադարը լիարժեք իրականացնելու և հարգելու կարևորությունը։

Պաշտոնյաները նաև վերահաստատել են իրենց հանձնառությունը՝ ամրապնդելու երկկողմ հարաբերությունները, ընդլայնելու տնտեսական և առևտրային համագործակցությունը և համաձայնել են կապի մեջ մնալ։

Պակիստանը, որը միջնորդ է հանդիսանում ԱՄՆ-Իրան հրադադարի գործում, հայտարարել է, որ հրադադարը պետք է տարածվի նաև Լիբանանի վրա, ինչը չի ընդունվել ԱՄՆ-ի և Իսրայելի կողմից։

Ֆրանսիան իր հերթին պնդել է, որ հրադադարը պետք է ներառի նաև Լիբանանը։

Իսրայելը Լիբանանի դեմ պատերազմի ամենաավերիչ ռմբակոծությունների ալիքը սկսել է ապրիլի 8-ին՝ հրադադարի հայտարարումից մի քանի ժամ անց։ Զոհերի թիվը Լիբանանում գերազանցել է 300-ը։

Լիբանանի առողջապահության նախարարության փոխանցմամբ՝ մարտի 2-ից ապրիլի 9 ընկած ժամանակահատվածում զոհվածների ընդհանուր թիվը հասել է 1888-ի, իսկ վիրավորներինը՝ 6092-ի։

Լիբանանը մարտի 2-ից ներքաշվել է Մերձավոր Արևելքի պատերազմի մեջ այն բանից հետո, երբ հաջակցություն Իրանի՝ «Հեզբոլլահ» շարժումը հրթիռներ արձակեց Իսրայելի վրա։ Ի պատասխան՝ Իսրայելը ցամաքային և օդային ինտենսիվ հարձակումներ է իրականացնում Լիբանանում։

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն