1 րոպեի ընթերցում
Պակիստանի իշխանությունները որոշել են լրացուցիչ հանգստյան օրեր հայտարարել Իսլամաբադում և Ռավալպինդիում՝ ԱՄՆ-ի և Իրանի սպասվող բանակցությունների անվտանգությունն ապահովելու համար: «Արմենպրես»-ի փոխանցմամբ՝ այս մասին հաղորդում է Dawn պարբերականը։
Հաղորդագրության մեջ նշվում է, որ ապրիլի 9 և ապրիլի 10 հանգստյան օրեր են հայտարարվել բոլորի համար, բացի այն ծառայություններից և հաստատություններից, որոնք կապված են կենսականորեն կարևոր ոլորտների հետ։
Լրատվամիջոցի տեղեկատվության համաձայն՝ իշխանությունները հանգստյան օրերին զգալիորեն մեծացրել են ոստիկանների թիվը փողոցներում և սահմանել «կարմիր գոտի», որտեղ անվտանգության խստացված միջոցներ են գործելու այն հյուրանոցի տարածքում, որտեղ, ինչպես սպասվում է, տեղավորվելու են պատվիրակությունները։
Dawn-ի աղբյուրները հայտնել են, որ բանակցությունների ժամանակ Իսլամաբադ տանող առանձին մուտքեր փակվելու են։
Ավելի վաղ Պակիստանում Իրանի դեսպան Ռեզա Ամիրի Մոգադամը հայտարարել էր, որ իրանական պատվիրակությունն Իսլամաբադ կժամանի ապրիլի 9-ի երեկոյան։
Սպասվում է, որ ԱՄՆ-ն և Իրանը բանակցությունների առաջին փուլը կանցկացնեն ապրիլի 10-ին, Պակիստանի մայրաքաղաքում։