Թեհրանում թիրախավորվել է Շարիֆի տեխնոլոգիական համալսարանը

Իրանի մայրաքաղաք Թեհրանը անցնող գիշեր ծանր ռմբակոծությունների է ենթարկվել, հարվածների թիրախում են եղել քաղաքի արևելյան, հարավային և արևմտյան հատվածները։

Ինչպես հաղորդում է «Արմենպրես»-ը՝ վկայակոչելով իրանական լրատվամիջոցները, թիրախավորվել է Շարիֆի տեխնոլոգիական համալսարանը։ Հարվածի հետևանքով մեծ վնաս է կրել ոչ միայն համալսարանի շենքը, այլև դրա մոտակայքում գտնվող այլ շենքեր։

تصویری از مسجد دانشگاه شریف پس از حمله دشمن به این دانشگاه https://t.co/IKhi1iMXGH pic.twitter.com/dXDpKJVuJE

— خبرگزاری تسنیم (@Tasnimnews_Fa) April 6, 2026

Սա վերջին մի քանի շաբաթների ընթացքում Իրանում հարվածի ենթարկված չորրորդ խոշոր համալսարանն է։

Հարվածները շարունակվել են նաև մայրաքաղաքից դուրս, այդ թվում՝ Քարաջում, Թեհրանում, Շիրազում, Սպահանում և Բուշերում։

Բանդար-է-Լենգեում զոհվել է վեց մարդ, Ղոմում՝ հինգ, իսկ մայրաքաղաքի հարավային ծայրամասում գտնվող Բահարեստանում՝ առնվազն 13 մարդ, այդ թվում՝ վեց երեխա։