1 րոպեի ընթերցում
Արաբական Միացյալ Էմիրությունների խոշորագույն ավիաընկերությունը՝ Emirates-ն իր կայքում հայտարարություն է տարածել այն մասին, որ Իրանի քաղաքացիներին արգելվում է մուտք գործել կամ տարանցիկ վայրէջք կատարել ԱՄԷ-ում։
Ինչպես հաղորդում է «Արմենպրես»-ը, հայտարարության մեջ նշվում է նաև, որ արգելքը չի տարածվում ԱՄԷ «ոսկե վիզա» ունեցողներին։ Վիզայի այս տեսակը տրամադրվում է խոշոր ձեռնարկատերերին ու ենթադրում է այդ երկրում 5-10 տարվա բնակության իրավունք։
Այս սահմանափակումը մտցվել է Իրանի և Ծոցի երկրների միջև հարաբերությունների լարման ֆոնին։
Այն բանից հետո, ինչ ԱՄՆ-ն ու Իսրայելը փետրվարի 28-ին պատերազմ սկսեցին Իրանի դեմ, իրանական կողմը, որպես պատասխան գործողություն, հարվածներ սկսեց Մերձավոր Արևելքի երկրներում ամերիկյան ռազմաբազաների վրա։ Սրա շրջանակում տուժել է նաև ԱՄԷ-ն, ինչպես նաև Քուվեյթը, Կատարը, Սաուդյան Արաբիան, Օմանը, Իրաքը։