1 րոպեի ընթերցում
Ուրուգվայում Հայաստանի Հանրապետության դեսպան Մարիամ Գևորգյանն ու արգենտինահայ դուդուկահար Գագիկ Գասպարյանը Մոնտեվիդեոյում այցելել են «Հայաստան» անունը կրող թիվ 156 դպրոց:
«Արմենպրես»-ի հաղորդմամբ՝ այս մասին նշված է Ուրուգվայում ՀՀ դեսպանության տարածած հաղորդագրության մեջ։
Նշվում է, որ դպրոցի աշակերտների և ուսուցչական կազմի հետ ջերմ հանդիպման ընթացքում Գագիկ Գասպարյանը կատարել է դուդուկի ավանդական ստեղծագործություններ և ներկայացրել այս գործիքի ծագումն ու կարևորությունը հայկական մշակույթում։