Ամերիկյան ուժերի ներկայությունը Լեհաստանում վճռորոշ է զսպման համար. Եվրոպայում ՆԱՏՕ-ի գլխավոր հրամանատար
1 րոպեի ընթերցում
ԱՄՆ-ի զրահատանկային բրիգադների ներկայությունը Լեհաստանում վճռորոշ նշանակություն ունի զսպման համար, ընդ որում, Եվրոպան ունակ չի լինի ինքնուրույն ապահովել իր պաշտպանությունը մինչև 2035 թվականը: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է Եվրոպայում ՆԱՏՕ-ի միացյալ զինված ուժերի գլխավոր հրամանատար Ալեքսուս Գրինկևիչը։
«Այս երկու զրահատանկային բրիգադները կարևոր նշանակություն ունեն զսպման մեր ներկա գործառույթի համար», - Գրինկևիչի խոսքերն են մեջբերել լեհական ԶԼՄ-ները։
Նա նաև ասել է, որ այժմ «խորհուրդ չի տալիս որևէ փոփոխություն կատարել Եվրոպայում ԱՄՆ զորքերի տեղակայման հարցում»։
Գրինկևիչը հիշեցրել է, որ «դաշինքի առջև ներկայում ծառացած խնդիրը ՆԱՏՕ-ի անդամ պետությունների կողմից ավելացված ծախսերն իրական ռազմական կարողությունների վերածելն է»։
Նրա գնահատմամբ, «Եվրոպան չի կարողանա լիովին ստանձնել մայրցամաքի պաշտպանության պատասխանատվությունը մինչև 2035 թվականը»։