368.59
Լեհաստանը մտադրություն չունի միանալ Մերձավոր Արևելքի հակամարտությանը
1 րոպեի ընթերցում
Լեհաստանը մտադրություն չունի միանալ Մերձավոր Արևելքի հակամարտությանը, չնայած Միացյալ Նահանգների հետ դաշնակցային հարաբերություններին: Ինչպես հաղորդում է «Արմենպրես»-ը, այս մասին հայտարարել է Լեհաստանի փոխվարչապետ և արտաքին գործերի նախարար Ռադոսլավ Սիկորսկին Rzeczpospolita թերթին տված հարցազրույցում:
«Նման պլաններ մենք չունենք։ Լեհաստանի և Ամերիկայի շահերը մոտ են, դրանք զգալի չափով համընկնում են, բայց դրանք ամբողջովին նույնական չեն», - պարզաբանել է արտաքին գործերի նախարարը:
Նա հայտարարել է, որ անձամբ ինքը որևէ անմիջական սպառնալիք Իրանից չի նկատել Միացյալ Նահանգների կամ Եվրոպայի և նույնիսկ Իսրայելի համար:
Նախարարը հիշեցրել է, որ Լեհաստանի նախագահ Կարոլ Նավրոցկին ավելի վաղ համաձայնություն չի տվել լեհական բանակի մասնակցությանը Մերձավոր Արևելքի ռազմական գործողություններին:
Բաժանորդագրվեք մեր ալիքին Telegram-ում