Հրաձգության Եվրոպայի փոխչեմպիոն Գոհար Հարությունյանը կարևորում է Երևանում անցկացվող Եվրոպայի առաջնությունը
1 րոպեի ընթերցում
Հրաձգության Եվրոպայի առաջնության փոխչեմպիոն Գոհար Հարությունյանը մարզական մեծ իրադարձություն է համար Երևանում ընթացող Եվրոպայի առաջնությունը:
«Իրականում շատ լարված ու էմոցիոնալ օր ենք ունեցել: Եվրոպայի մեծահասակների չեմպիոն ունեցանք` չեմպիոն դարձավ Լիլիթ Մկրտչյանը, փոխչեմպիոն դարձա ես: Կրտսեր Լիլիթ Մկրտչյանը ևս դարձավ չեմպիոն, այս անգամ երիտասարդների պայքարում: Իսկ արծաթը նվաճեց Անահիտ Սարգսյանը: Իսկապես ուրախ եմ, որ Եվրոպայի առաջնությունն անցկացնում ենք մեզ մոտ. պատիվ եմ համարում այստեղ անցկացվող մրցաշարին մասնակցելը»,-«Արմենպրես»-ի փոխանցմամբ` լրագրողների հետ զրույցում ասաց Հարությունյանը:
Կարեն Դեմիրճյանի անվան մարզահամերգային համալիրում շարունակվում է հրաձգության Եվրոպայի առաջնությունը: Շարժվող թիրախ նորմալ վազք մրցաձևում կանանց եզրափակիչում մրցեցին Հայաստանի երկու ներկայացուցիչները` Լիլիթ Մկրտչյանն ու Գոհար Հարությունյանը: Եվրոպայի առաջնությունում 4-րդ անգամ չեմպիոն դարձավ Լիլիթ Մկրտչյանն, որն առավելության հասավ 8:6 հաշվով։