Դեսպան Մկրտչյանը մասնակցել է Հունաստանի նախագահի կազմակերպած ընդունելությանը

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը մասնակցել է Հունաստանի նախագահ Կոնստանտինոս Տասուլասի կողմից Հունաստանում հավատարմագրված դեսպանների համար տրվող ամենամյա ընդունելությանը։

«Արմենպրես»-ի փոխանցմամբ՝ այս մասին հաղորդագրություն է տարածել Հունաստանում ՀՀ դեսպանությունը։

Ընդունելության ընթացքում դեսպան Մկրտչյանը առանձնազրույց է ունեցել նախագահ Տասուլասի հետ, ով բարձր է գնահատել Հայաստանի Հանրապետության նախագահ Վահագն Խաչատուրյանի Հունաստան կատարած պետական այցը` իր հագեցվածությամբ և արդյունքներով հանդերձ։

Դեսպան Մկրտչյանը Հունաստանի նախագահին փոխանցել է Հայաստանի նախագահի երախտիքի խոսքը` ջերմ ընդունելության և այցը ամենաբարձր մակարդակով կազմակերպելու համար։