2 րոպեի ընթերցում
Հայաստանի պաշտպանության նախարարությունում անցկացվել է շնորհանդես-քննարկում, որի ընթացքում ներկայացվել են հաշվապահական հաշվառման համակարգի ներդրման արդյունքները։
Քննարկմանը մասնակցել են ՀՀ զինված ուժերի գլխավոր շտաբի պետը, ՀՀ պաշտպանության նախարարի և ՀՀ ֆինանսների նախարարի տեղակալները, ՀՀ վարչապետի աշխատակազմի, ֆինանսների նախարարության, պետական վերահսկողական ծառայության ներկայացուցիչները, ՀՀ ՊՆ և ԶՈՒ կառուցվածքային ստորաբաժանումների ղեկավարները։
«Արմենպրես»-ի փոխանցմամբ՝ ՊՆ-ից հայտնում են, որ ներկայացվել է զեկույց՝ ՀՀ պաշտպանության նախարարությունում «ՀԾ-ձեռնարկություն» հաշվապահական հաշվառման ծրագրային համակարգի ներդրման ավարտական արդյունքների վերաբերյալ», համառոտ ցուցադրվել են նաև ծրագրի աշխատանքը և հնարավորությունները։
Արձանագրվել է, որ համակարգն ամբողջությամբ ներդրված է, և 2026 թվականի հունվարի 1-ից ՊՆ-ում հաշվապահական հաշվառումը վարվում է հաշվապահական հաշվառման ոլորտը կարգավորող օրենսդրության պահանջներին համապատասխան՝ «ՀԾ-ձեռնարկություն» համակարգչային ծրագրերով:
Ներկաները կարևորել են համակարգի անընդհատ կատարելագործման կարևորությունը բանակաշինության, ՀՀ պաշտպանության նախարարության համակարգի բարեփոխումների և զարգացման գործում։