1 րոպեի ընթերցում
Ֆրանսիայի նախագահ Էմանուել Մակրոնը Ելիսեյան պալատում ընդունել է Եվրահանձնաժողովի նախագահ Ուրսուլա ֆոն դեր Լայենին և Եվրոպական խորհրդի նախագահ Անտոնիու Կոշտային: «Արմենպրես»-ի փոխանցմամբ՝ այս մասին հաղորդում է Reuters գործակալությունը:
Քննարկման օրակարգում են եղել առաջիկա օրերին ԵՄ երկրների ղեկավարների ոչ պաշտոնական հանդիպումը, ռուս-ուկրաինական հակամարտությունը և Ուկրաինային շարունակական աջակցությունը, ինչպես նաև Եվրոպայի անվտանգության և պաշտպանունակության հետ կապված մտահոգությունները:
ԵՄ երկրների ղեկավարների ոչ պաշտոնական գագաթնաժողովը նախատեսված է փետրվարի 12-ին: Հանդիպմանը կքննարկվեն ԵՄ մրցունակության բարձրացումը, ԵՄ միասնական շուկայի ապագան և երկարաժամկետ ռազմավարական նպատակները: Ոչ պաշտոնական հանդիպմանը կմասնակցեն նաև Իտալիայի նախկին վարչապետներ Մարիո Դրագին և Էնրիկո Լետան: