363.52
Մակրոնը չի բացառել 2032 թվականին Ֆրանսիայի նախագահի պաշտոնում վերադառնալու հնարավորությունը
1 րոպեի ընթերցում
Ֆրանսիայի նախագահ Էմանուել Մակրոնը չի բացառել պաշտոնավարման ավարտից հետո նախագահի պաշտոնում վերադառնալու հնարավորությունը։ «Արմենպրես»-ի հաղորդմամբ՝ Մակրոնն այս մասին ասել է ամերիկյան Variety պարբերականին տված հարցազրույցում։
«Եկեք հստակ լինենք․ մեր Սահմանադրության համաձայն՝ կարելի է ընտրվել երկու անընդմեջ ժամկետով։ Հետևաբար, հաջորդ մայիսին ես կավարտեմ իմ պաշտոնավարման ժամկետը, և Ֆրանսիայի ժողովուրդն այլ անձի կընտրի։ Բայց ես ոչինչ չեմ բացառում։ Վերադառնալը բավական անսովոր է, սակայն կտեսնենք։ Կյանքը հնարամիտ է, երբեմն՝ ավելի, քան ֆիլմերը»,- ասել է Մակրոնը։
Մակրոնը Ֆրանսիայի նախագահ է ընտրվել 2017 թվականին և վերընտրվել 2022-ին։ Սահմանադրությունը նրան թույլ չի տալիս երրորդ անգամ անընդմեջ առաջադրվել 2027 թվականի ընտրություններում, սակայն ընդմիջումից հետո՝ 2032-ին, առաջադրվելու իրավական արգելք չկա։
Բաժանորդագրվեք մեր ալիքին Telegram-ում