366.69
Հայաստանում առնվազն 4 նոր սանիտարական աղբավայրի կառուցման համար ուսումնասիրություն է իրականացվում
1 րոպեի ընթերցում
ՀՀ տարածքային կառավարման և ենթակառուցվածքների նախարարությունն ուսումնասիրություն է իրականացնում առնվազն 4 նոր սանիտարական աղբավայր կառուցելու համար։
«Արմենպրես»-ի հաղորդմամբ՝ այս մասին փետրվարի 3-ի ասուլիսին հայտնեց ՀՀ տարածքային կառավարման և ենթակառուցվածքների նախարար Դավիթ Խուդաթյանը՝ հավելելով, որ ուսումնասիրությունն իրականացվում է միջազգային կազմակերպությունների ներգրավմամբ։
Նրա խոսքով՝ նախատեսվում է, որ Երևանը կունենա առանձին աղբավայր, որը կգտնվի հանրապետության կենտրոնական գոտում։ Մյուս հատվածներում աղբավայրերը կլինեն միասնական համակարգի տրամաբանությամբ, մասնավորապես, ըստ նախարարի, հնարավոր է մի քանի մարզեր ունենան մեկ ընդհանուր աղբավայր կամ փոխաբեռնման կայաններ։
Խուդաթյանը տեղեկացրեց, որ ուսումնասիրություն է իրականացվում նաև աղբի վերամշակման ուղղությամբ։
«Մենք բաց ենք մասնավորի հետ համագործակցության համար։ Տարբեր առաջարկներ ունենք, որոնց մի մասը հավաքվել է համայնքներում, մյուս մասը նախարարությունում։ Մենք զուգահեռ ուսումնասիրում ենք այդ առաջարկները, դա մեզ համար առաջնահերթություն է»,-եզրափակեց գերատեսչության ղեկավարը։
Բաժանորդագրվեք մեր ալիքին Telegram-ում