Ռուսաստանի և Սիրիայի նախագահները կքննարկեն տարածաշրջանում ստեղծված իրավիճակը

Ռուսաստանի նախագահ Վլադիմիր Պուտինը և Սիրիայի նախագահ Ահմեդ ալ-Շարաան շատ բան ունեն քննարկելու տարածաշրջանում ստեղծված իրավիճակի վերաբերյալ։

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Վլադիմիր Պուտինը հունվարի 28-ին բանակցություններ կվարի Սիրիայի նախագահ Ալ-Շարաայի հետ։

«Կլինի կարծիքների փոխանակում տարածաշրջանում ստեղծված իրավիճակի վերաբերյալ։ Քննարկելու շատ բան կա», - լրագրողներին ասել է Պեսկովը։