1 րոպեի ընթերցում
Հայաստանի ֆուտզալի հավաքականը հաղթանակով մեկնարկեց Եվրոպայի` Հայաստանի համար պատմական առաջնությունում ու Ուկրաինայի դեմ խաղում հանդիպման լավագույն ֆուտզալիստ ճանաչվեց ազգային թիմից Միհրան Դերմենջյանը:
«Արմենպրես»-ի հաղորդմամբ` Եվրոպայի ֆուտզալի առաջնության խմբային փուլի առաջին խաղում Հայաստանի ընտրանին ուժերը չափեց Ուկրաինայի թիմի հետ ու հաղթանակ տոնեց 2:1 հաշվով: Հայաստանի հավաքականի դուբլի հեղինակ դարձավ Միհրան Դերմենջյանը, ով դարձավ հանդիպման լավագույն ֆուտզալիստ:
Հայաստանի հավաքականն առաջին անգամ մասնակցելով Եվրոպայի առաջնությանը` հաղթանակ տոնեց մեկնարկում: Հաջորդ հանդիպումը Ռուբեն Նազարեթյանի սաները կանցկացնեն հունվարի 25-ին` մրցելով Չեխիայի հետ: