1 րոպեի ընթերցում
Վենեսուելայում նախագահ Նիկոլաս Մադուրոյի՝ ամերիկյան ուժերի ձերբակալումից հետո նախագահի պաշտոնակատար դարձած Դելսի Ռոդրիգեսը հայտարարել է, որ իրենք բաց են բոլոր երկրների հետ համագործակցության համար։
«Մենք անձնատուր չենք լինի ոչ մի ագրեսիայի։ Մեր ձեռքերը մեկնված են աշխարհի բոլոր երկրներին՝ նրանց հետ տնտեսական, առևտրային և էներգետիկ համագործակցության համար», - «Արմենպրես»-ի փոխանցմամբ, հայտարարել է նա ելույթի ընթացքում, որը հեռարձակել է Telesur հեռուստաալիքը։
Միևնույն ժամանակ, Ազգային ժողովի ներկայացուցիչների հետ հանդիպման ժամանակ նա հայտարարել է, որ երկիրը պատերազմի մեջ չէ և պատրաստ է զարգացնել տնտեսական կապերը։
«Վենեսուելան պատերազմի մեջ չէ։ Վենեսուելան խաղաղ երկիր է, որը հարձակման է ենթարկվել միջուկային տերության կողմից», - ասել է Ռոդրիգեսը։
Նա հիշեցրել է, որ ԱՄՆ-ն ինքն է հրաժարվել հարավամերիկյան հանրապետության հետ առևտրային հարաբերություններից, իսկ ավելի ուշ ագրեսիայի ակտ է իրականացրել նրա դեմ։ «Նա, ով հրաժարվել է մեզ հետ համագործակցությունից, հարձակվել է մեզ վրա», - նշել է նա։