Վենեսուելայում հայտարարել են, որ տեղեկություն չունեն նախագահ Մադուրոյի և առաջին տիկնոջ գտնվելու վայրի մասին
1 րոպեի ընթերցում
Վենեսուելայի փոխնախագահը հայտարարել է, որ կառավարությունը չգիտի Մադուրոյի և առաջին տիկնոջ գտնվելու վայրը։ «Արմենպրես»-ի հաղորդմամբ՝ ինչպես փոխանցում է CNN-ը, Վենեսուելայի պետական հեռուստատեսության հետ զրույցի ընթացքում հանրապետության փոխնախագահ Դելսի Ռոդրիգեսը հայտարարել է, որ կառավարությունը չգիտի նախագահ Նիկոլաս Մադուրոյի և առաջին տիկին Սիլիա Ֆլորեսի գտնվելու վայրը։
«Մենք պահանջում ենք նախագահ Դոնալդ Թրամփի կառավարությունից անհապաղ ապացույցներ այն մասին, որ նախագահ Մադուրոն և առաջին տիկինը ողջ են»,-ասել է Ռոդրիգեսը։
Նա հավելել է, որ ԱՄՆ հարձակման հետևանքով ողջ երկրում զոհվել են պաշտոնյաներ, զինվորներ և խաղաղ բնակիչներ։
Ավելի վաղ՝ ԱՄՆ նախագահ Դոնալդ Թրամփը հայտարարել է, որ Միացյալ Նահանգները լայնամասշտաբ հարված է հասցրել Վենեսուելային, որի նախագահ Նիկոլաս Մադուրոն ու նրա կինը ձերբակալվել ու դուրս են բերվել երկրից։