Ֆրանսիան Ինտերպոլի միջոցով հետախուզում է հայտարարել Մոլդովայի նախկին վարչապետի նկատմամբ

Ֆրանսիան Ինտերպոլի միջոցով հետախուզում է հայտարարել Մոլդովայի նախկին վարչապետ Վլադիմիր Ֆիլատի նկատմամբ։

«Արմենպրես»-ի փոխանցմամբ՝ այս մասին հայտնում է ՌԻԱ Նովոստին` հղում անելով Մոլդովայի ոստիկանությանը։

Հետախուզումը հայտարարվել է այն բանից հետո, երբ Ֆրանսիայի դատարանը հեռակա կարգով Ֆիլատին դատապարտել է երկու տարի ազատազրկման՝ փողերի լվացման հոդվածով։

Վլադիմիր Ֆիլատը իր նկատմամբ իրականացվող գործընթացը քաղաքական է անվանել։