368.59
Թրամփը Տոկաևին որպես նվեր ուղարկել է Սպիտակ տան խորհրդանշական բանալին և բեյսբոլի գլխարկ
1 րոպեի ընթերցում
ԱՄՆ նախագահ Դոնալդ Թրամփը Ղազախստանի ղեկավար Կասիմ-Ժոմարտ Տոկաևին մի քանի նվեր է ուղարկել, այդ թվում՝ Սպիտակ տան խորհրդանշական բանալին և բեյսբոլի գլխարկ՝ ամերիկացի առաջնորդի ինքնագրով: «Արմենպրես»-ի փոխանցմամբ՝ այս մասին դեկտեմբերի 23-ին հայտնել է Ղազախստանի նախագահի մամուլի քարտուղար Ռուսլան Ժելդիբայը։
«Հավատարմագրերի հանձնման արարողությունից հետո տեղի ունեցած կարճատև զրույցի ընթացքում ԱՄՆ նախագահ Դոնալդ Թրամփը Ղազախստանի դեսպան Մագժան Իլյասովի հետ կիսել է իր տպավորությունները այս տարվա նոյեմբերին Օվալաձև աշխատասենյակում պետության ղեկավար Կասիմ-Ժոմարտ Տոկաևի հետ կայացած իր հանդիպման վերաբերյալ։ ԱՄՆ նախագահը նաև Կասիմ-Ժոմարտ Տոկաևին մի քանի նվեր է ուղարկել, այդ թվում՝ Սպիտակ տան խորհրդանշական բանալին և բեյսբոլի գլխարկ՝ իր ինքնագրով», - Ժելդիբայի խոսքերն է փոխանցում «ՌԻԱ Նովոստի» գործակալությունը։
Մամուլի քարտուղարը նաև նշել է, որ ԱՄՆ ղեկավարը Ղազախստանի նախագահին փոխանցել է ջերմ անձնական բարեմաղթանքներ, ընդգծել իր հարգանքը և նրան բնութագրել որպես հրաշալի մարդ ու փորձառու պետական գործիչ՝ միջազգային գործընթացների խորը և հավասարակշռված ընկալմամբ։
Բաժանորդագրվեք մեր ալիքին Telegram-ում