368.12
Նման քննարկումներ չկան․ Ռուբինյանը՝ TRIPP նախագծում Ռուսաստանի հնարավոր մասնակցության մասին
1 րոպեի ընթերցում
TRIPP նախագծում ռուսական կողմի հնարավոր ներգրավվածության շուրջ քննարկումներ չկան։
«Արմենպրես»-ի փոխանցմամբ՝ այս մասին լրագրողների հետ զրույցում վստահեցրեց ՀՀ ազգային ժողովի փոխնախագահ Ռուբեն Ռուբինյանը՝ անդրադառնալով ռուսական կողմից հնչած հայտարարությանը՝ նախագծին մասնակցելու պատրաստակամության վերաբերյալ։
Անդրադառնալով հարցին,թե արդյոք Ռուսաստանի ներկայության մասով քննարկումներ կան ԱՄՆ-ի հետ՝ Ռուբինյանը բացասական պատասխան տվեց։
«Նման քննարկումներ չկան»,-շեշտեց ԱԺ փոխնախագահը։
Ավելի վաղ Ռուսաստանի ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը հայտնել էր, որ ռուսական կողմը պատրաստ է խորհրդակցել հայկական կողմի հետ TRIPP-ի պարամետրերի և Ռուսաստանի հնարավոր մասնակցության վերաբերյալ։ Նա նշել էր, որ «Հարավկովկասյան երկաթուղիներ»-ը «Ռուսական երկաթուղիներ»-ի դուստր ձեռնարկությունն է, ունի Հայաստանի երկաթուղային ցանցի կառավարման կոնցեսիա, տարածաշրջանն օգտագործում է ռուսական երկաթուղային գծերը:
Բաժանորդագրվեք մեր ալիքին Telegram-ում