1 րոպեի ընթերցում
Ուկրաինայի զինված ուժերը հրթիռային հարված են հասցրել Բելգորոդին, վնասվել է ինժեներական ենթակառուցվածքը։ Նախնական տվյալներով՝ զոհեր չկան: «Արմենպրես»-ի փոխանցմամբ՝ այդ մասին հայտնել է Բելգորոդի մարզի ղեկավար Վյաչեսլավ Գլադկովը։
«Հրթիռակոծության հետևանքով կան ինժեներական ենթակառուցվածքի լուրջ վնասվածքներ։ Վթարային և օպերատիվ ծառայությունները զբաղվում են հետևանքների վերացմամբ»,- տարածաշրջանի ղեկավարը գրել է իր Telegram ալիքում:
Գլադկովի տվյալներով՝ վնասվել է նաև վեց բազմաբնակարանային շենքի և մեկ մասնավոր տան ապակեպատվածքը։