Իրանը կցանկանար գործարք կնքել մեզ հետ. Թրամփ

Ամերիկայի Միացյալ Նահանգների նախագահ Դոնալդ Թրամփը հերթական անգամ պնդել է, թե Իրանը կցանկանար գործարք կնքել Միացյալ Նահանգների հետ։ 

«Արմենպրես»-ի փոխանցմամբ՝ Թրամփն այդ մասին հայտարարել է Սպիտակ տանը լրագրողների հետ զրույցում։  

ԱՄՆ նախագահը հայտարարել է, որ, Միացյալ Նահանգները, հարվածներ հասցնելով Իրանի միջուկային օբյեկտներին, ոչնչացրել է այդ երկրի միջուկային պոտենցիալը՝ շեշտելով, որ Իրանն այդ ժամանակ շատ մոտ էր միջուկային զենք ունենալուն։ 

Նրա խոսքով՝ ԱՄՆ-ի կողմից Իրանի միջուկային օբյեկտներին հասցված հարվածները հնարավոր դարձրեցին Իսրայելի և Իրանի միջև խաղաղությունը։  

«Բոլորն այդ ժամանակ Իրանից վախենում էին, իսկ հիմա ոչ ոք չի վախենում, և Իրանը կցանկանար գործարք կնքել մեզ հետ»,-ասել է Թրամփը։