Մերցը խոստանում է ԵՄ-ի կողմից Մոսկվայի վրա ճնշման ուժեղացում, այդ թվում՝ սառեցված ակտիվների հարցում
1 րոպեի ընթերցում
Եվրամիությունը կշարունակի ճնշում գործադրել Մոսկվայի վրա, մասնավորապես ԵՄ-ում սառեցված ռուսական ակտիվներին վերաբերող հարցերում:
Ինչպես հաղորդում է «Արմենպրես»-ը, այդ մասին դեկտեմբերի 11-ին հայտարարել է Գերմանիայի կանցլեր Ֆրիդրիխ Մերցը։
«Մենք կշարունակենք ուժեղացնել ճնշումը Մոսկվայի վրա, կուժեղացնենք ճնշումը և կշարունակենք ակտիվորեն աջակցել Ուկրաինային, հատկապես ԵՄ-ում սառեցված ռուսական ակտիվների հարցում», - հայտարարել է նա Բեռլինում կայացած մամուլի ասուլիսում՝ խոսելով Եվրամիության պլանների մասին։
Մերցը նաև ասել է, որ ԵՄ-ն պետք է Ուկրաինայի խաղաղության գործընթացի մաս դառնա։
Անցյալ շաբաթ Եվրահանձնաժողովն առաջարկել է օգտագործել ԵՄ-ում սառեցված ՌԴ-ի 210 միլիարդ եվրո գումարի ակտիվները՝ Ուկրաինային աջակցություն տրամադրելու համար։ Սկզբնական շրջանում ենթադրվում է օգտագործել 90 միլիարդ եվրո գումար, որը պետք է հատկացվի երկու տարվա ընթացքում։ Այս հարցը կքննարկվի դեկտեմբերի 18-ին կայանալիք ԵՄ-ի գագաթնաժողովում։