1 րոպեի ընթերցում
Գեղարքունիքի մարզի Սևան քաղաքի Ն․Դագարյանի անվան մանկապատանեկան մարզադպրոցում անցկացվել է «Սևանի գավաթ» թաեքվոնդոյի առաջնություն, որին մասնակցել են Երևանի, Ապարանի, Նոյեմբերյանի և Սևան քաղաքի մարզիկները։
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, թիմային հաշվարկով 1-ին տեղը զբաղեցրել են Սևանի Նորիկ Դագարյանի անվան մանկապատանեկան մարզադպրոցի և Երևան քաղաքի «ՎԻԿՏԱՍ» ակումբի, 2-րդ տեղը՝ Նոյեմբերյանի, 3-րդ տեղը՝ Երևանի «Սև հովազ» ակումբային թիմի մարզիկները։ Մրցանակային տեղեր գրաված մարզիկները պարգևատրվել են մեդալներով և պատվոգրերով։
Ն․Դագարյանի անվան մանկապատանեկան մարզադպրոցի տնօրենը մարզիչներին պարգևատրել է շնորհակալագրերով, իսկ «Նվիրյալներ» ՌՀԿ-ի նախագահը հավաստագիր է հանձնել մարզադպրոցի տնօրեն Գ․Ավետիսյանին։