367.38
Ձևաչափը դեռ հստակ չէ, բայց մեծ հավանականությամբ կմասնակցեմ ընտրություններին. Ռոբերտ Քոչարյան
2 րոպեի ընթերցում
Հայաստանի երկրորդ նախագահ Ռոբերտ Քոչարյանը հայտարարել է, որ մեծ հավանականությամբ կմասնակցի 2026 թվականին կայանալիք խորհրդարանական ընտրություններին։
«Արմենպրես»-ի փոխանցմամբ՝ ՀՀ երկրորդ նախագահն այդ մասին հայտարարել է իր աջակիցների հետ հանդիպման ժամանակ՝ արձագանքելով «Միասնության թևեր» շարժման առաջնորդ Արման Թաթոյանի այն հայտարարությանը, թե Հայաստանի նախկին նախագահները պետք է հայտարարեն, որ չեն մասնակցելու 2026 թվականին կայանալիք խորհրդարանական ընտրություններին, որպեսզի հնարավոր լինի պարտության մատնել գործող իշխանություններին։
«Ձևաչափի վերաբերյալ վերջնական որոշում չունենք, բայց մեծ հավանականությամբ ես կմասնակցեմ ընտրություններին»,- ասել է Ռոբերտ Քոչարյանը։
ՀՀ երկրորդ նախագահը աբսուրդ է որակել Թաթոյանի հայտարարությունը, թե ՀՀ նախկին նախագահները պետք է հայտարարեն, որ չեն մասնակցելու ընտրություններին։ Նրա խոսքով՝ այդպիսով Արման Թաթոյանը գտնում է, որ ընտրություններին ընդհանրապես չպետք է մասնակցեն ՀԱԿ-ը և ՀՀԿ-ն, որովհետև ՀԱԿ-ի առաջնորդն առաջին նախագահ Լևոն Տեր-Պետրոսյանն է, իսկ ՀՀԿ-ի առաջնորդը՝ երկրորդ նախագահ Սերժ Սարգսյանը։ Ռոբերտ Քոչարյանի խոսքով՝ նույնիսկ եթե կուսակցությունների առաջնորդները ցուցակում ներառված չլինեն, սակայն նրանց կուսակցությունները մասնակցեն ընտրություններին, դա նշանակում է, որ առաջնորդները ևս մասնակցում են։
Բաժանորդագրվեք մեր ալիքին Telegram-ում