Ֆրանսիայի Սենատը քվեարկել է զբոսանավերի յուրաքանչյուր ուղևորի համար 15 եվրո հարկ սահմանելու օգտին
1 րոպեի ընթերցում
Ֆրանսիան շուտով կարող է նոր հարկ կիրառել օտարերկրյա զբոսանավերի ուղևորների համար։ Նոր օրինագիծը նախատեսում է 15 եվրո հարկ մեկ անձի համար՝ երկրի յուրաքանչյուր նավահանգստային կանգառ մտնելիս։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Նշվում է, որ այն տարեկան կապահովի մոտավորապես 75 միլիոն եվրո եկամուտ, որի շրջանակում միջոցները նախատեսվում է օգտագործել երկրի խոցելի ափամերձ տարածքների պաշտպանության համար։
Վերջին տարիներին դեպի Ֆրանսիա զբոսաշրջային հոսքն արագորեն աճում է։ Ֆրանսիայի պետական զբոսաշրջային գործակալության՝ Atout France-ի տվյալներով՝ 2023 թվականին մայրցամաքային Ֆրանսիայով անցել է ավելի քան 3.8 միլիոն զբոսաշրջային ուղևոր։
Ֆրանսիայի Սենատն արդեն քվեարկել է տուրքը մտցնելու օգտին։ Սենատոր Ժան-Մարկ Դելիան վկայակոչել է այն փաստը, որ Եվրոպայում զբոսաշրջային նավերը տարեկան արտանետում են մոտ յոթ միլիոն տոննա CO2։