ԱՄՆ Խաղաղության ինստիտուտը վերանվանվել է նախագահ Թրամփի անունով

ԱՄՆ Խաղաղության ինստիտուտը (USIP) երկրի նախագահ Դոնալդ Թրամփի պատվին վերանվանվել է նրա անունով։ «Արմենպրես»-ի փոխանցմամբ՝ այս մասին X միկրոբլոգի գրառման մեջ հայտնել է Պետդեպարտամենտը։

«Այսօր առավոտյան Պետդեպարտամենտը վերանվանել է նախկին Խաղաղության ինստիտուտը՝ ի նշան հարգանքի մեր երկրի պատմության մեջ ամենամեծ գործարք կնքողի հանդեպ։ Բարի գալուստ Դոնալդ Ջ. Թրամփի անվան Խաղաղության ինստիտուտ։ Լավագույնը դեռ առջևում է»,- ասվում է գրառման մեջ։

This morning, the State Department renamed the former Institute of Peace to reflect the greatest dealmaker in our nation's history.

Welcome to the Donald J. Trump Institute of Peace. The best is yet to come. pic.twitter.com/v7DgkoZphn

— Department of State (@StateDept) December 3, 2025

USIP-ը ստեղծվել է 1984 թվականին նախկին նախագահ Ռոնալդ Ռեյգանի կողմից: Այն Կոնգրեսի կողմից ֆինանսավորվող անկախ, ոչ առևտրային կազմակերպություն է, որի նպատակն է կանխել և լուծել միջազգային հակամարտությունները։

Նախորդ նախագահների օրոք այն գործել է որպես վերլուծական կենտրոն՝ աշխատանքի ընդունելով գիտնականների, հետազոտողների և միջազգային հարաբերությունների փորձագետների։