1 րոպեի ընթերցում
C-400 համալիրների՝ Հնդկաստան մատակարարումների թեման կքննարկվի Ռուսաստանի նախագահ Վլադիմիր Պուտինի՝ այդ երկիր կատարելիք այցի ժամանակ: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտնել է Կրեմլի խոսնակ Դմիտրի Պեսկովը հնդիկ լրագրողների համար կազմակերպված ճեպազրույցում։
«Այս թեման գտնվում է օրակարգում, և ես չեմ կասկածում, որ այն կքննարկվի», - ասել է նա՝ պատասխանելով լրագրողի համապատասխան հարցին։
Պեսկովը նշել է, որ «Պուտինը կժամանի մեծ պատվիրակությամբ, և պատվիրակության կոնկրետ ներկայացուցիչները կկարողանան հանգամանորեն քննարկել այս թեման»։
Բացի այդ, Պեսկովի խոսքով, այցի ընթացքում, հավանաբար, կքննարկվի նաև Սու-57 ինքնաթիռների Հնդկաստան մատակարարումները։
Ավելի վաղ Կրեմլը հաղորդել էր, որ Պուտինը պետական այցով Հնդկաստան կմեկնի դեկտեմբերի 4-5-ը։