Կոբախիձեն խոսել է Վրաստանում անօրինական միգրացիան ամբողջությամբ վերացնելու վճռականության մասին

Վրաստանը մտադիր է առաջիկա երեք-չորս տարվա  ընթացքում լիովին վերացնել անօրինական միգրացիան: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին կառավարության նիստում հայտարարել է երկրի վարչապետ Իրակլի Կոբախիձեն՝ հղում անելով ներքին գործերի նախարարության պլանին։

Նրա տվյալների համաձայն, 2025 թվականի 11 ամսվա ընթացքում Վրաստանից արտաքսվել է 1131 անօրինական միգրանտ՝ ճիշտ այնքան, որքան նախորդ յոթ տարվա ընթացքում։

«Գործողությունների արդյունավետությունն այս հարցում լրջորեն աճել է։ Ներքին գործերի նախարարությունը և միգրացիայի դեպարտամենտն ակտիվորեն աշխատում են և, ներկայացված ծրագրի համաձայն, մեր երկրից արտաքսված անօրինական միգրանտների թիվը հաջորդ տարի կկազմի առնվազն 3,5 հազար», - ասել է վարչապետը։