ՀՀ դեսպանն ու Կիպրոսի պաշպանության նախարարն արձանագրել են պաշտպանական ոլորտում երկկողմ համագործակցության բարձր մակարդակը
1 րոպեի ընթերցում
Կիպրոսում Հայաստանի Հանրապետության դեսպան Իննա Թորգոմյանը հանդիպել է Կիպրոսի Պաշտպանության նախարար Վասիլիս Պալմասի հետ:
«Արմենպրես»-ի հաղորդմամբ՝ այս մասին հայտնում են Կիպրոսում ՀՀ դեսպանությունից։
Նշվում է, որ հանդիպման ընթացքում արձանագրվել է երկու երկրների միջև պաշտպանության ոլորտում համագործակցության բարձր մակարդակը, ինչպես նաև քննարկվել են փոխգործակցության հետագա հեռանկարները:
Հաղորդվում է, որ հանդիպմանն անդրադարձ է կատարվել նաև տարածաշրջանային և միջազգային ներկայիս զարգացումներին, ինչպես նաև ԵՄ Խորհրդում Կիպրոսի առաջիկա նախագահության՝ պաշտպանության և անվտանգության ոլորտներում նախատեսվող առաջնահերթություններին։
Կողմերը կարևորել են Հայաստան–ԵՄ գործընկերության խորացմանն ուղղված Կիպրոսի հետևողական աջակցությունը։