ՀԷՑ-ի նոր բաժանորդների միացման վճարների վերանայման հարցը քննարկման փուլում է. Պետրոսյան

2 րոպեի ընթերցում

Վարչապետ Նիկոլ Փաշինյանի և «Հայաստանի էլեկտրական ցանցեր» ՓԲԸ ժամանակավոր կառավարիչ Ռոմանոս Պետրոսյանի աշխատանքային հանդիպման ընթացքում անդրադարձ է կատարվել նոր բաժանորդների միացման վճարների հնարավոր վերանայման գործընթացին։

Ռոմանոս Պետրոսյանը տեղեկացրել է, որ արդեն կա նախնական պատկերացում՝ ինչ չափով կարող է վերանայվել էլեկտրաէներգիայի սակագինը, և որոշումներն, ամենայն հավանականությամբ, կընդունվեն 2026 թվականի սկզբին։ 

«Արմենպրես»-ի հաղորդմամբ՝ այս մասին Պետրոսյանն ասել է վարչապետ Նիկոլ Փաշինյանի հետ հանդիպման ժամանակ։

Վարչապետ Փաշինյանն ընդգծել է, որ սակագնի ձևավորումը պետք է լինի բացառապես հիմնավորված, զերծ քաղաքական շահարկումներից և քաղաքացիներին հաճոյանալու մոտեցումներից։

«Շատ կարևոր է, որ գինը հիմնավորվածից ո՛չ ավել լինի, ո՛չ պակաս։ Քաղաքական նպատակահարմարությամբ արհեստական իջեցումները շատ երկրների տարել են ճգնաժամի»,-նշել է վարչապետը։ 

Նա օրինակ է բերել իր այցելած երկրի փորձը, որտեղ տարիներ շարունակ արհեստականորեն ցածր պահված սակագների պատճառով քաղաքը մնացել է առանց կայուն էլեկտրամատակարարման՝ ստիպված լինելով օգտագործել դիզելային գեներատորներ։ 

Փաշինյանը հավելել է, որ Հայաստանի քաղաքացիներին պետք է ներկայացնել հստակ մոտեցում։

«Գինը պետք է լինի այնքան, որքան անհրաժեշտ է համակարգի բնականոն գործունեությունն ու զարգացումն ապահովելու համար»,- ասել է Փաշինյանը։ 

Ռոմանոս Պետրոսյանը նշել է, որ ՀԷՑ-ում արդեն իրականացված հաշվարկները ձևավորել են որոշակի պատկերացում՝ ինչ չափով հնարավոր կլինի վերանայել սակագինը։

«Այս պահին մենք արդեն մոտավոր պատկերացում ունենք, և լիահույս ենք, որ տարեսկզբից այդ որոշումները կընդունվեն»,-ասել է նա։

Հայերեն Русский

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը